एका पुनर्जन्माची कथा
हे प्रांजळ कथन आहे स्वानुभवातून आलेलं. डॅा. मनोज भाटवडेकर यांना ऱ्हुमॅटॅाइड आर्थ्रायटिस नावाचा अत्यंत वेदनादायी आजार झाला. या आजाराशी झगडता झगडता त्यांचं मानसिक बळ संपुष्टात येऊ पाहत होतं. अचानक त्यांना ध्यानमार्गाची ओळख झाली. या नवीन पथावर चालता चालता ते स्वत:च्या संपर्कात आले. त्यांच्या शारीरिक- मानसिक प्रक्रियांमध्ये आमूलाग्र बदल घडू लागला. त्यातून ते वेदनामुक्त आणि औषधमुक्त झाले. हे पुस्तक याच प्रवासाचा वेध घेतं. या पुस्तकाने अनेकजणांना ध्यानाला उद्युक्त करण्याची आणि जगण्याची उभारी देण्याची बहुमोल कामगिरी केली आहे.